《魔法壞女巫》公仔包裝出烏龍 官網印錯變「咸網」

環球影業製作同發行，由 Ariana Grande 及 楊紫瓊 等主演嘅《魔法壞女巫》（Wicked）電影即將上映，市面上都出現唔少周邊同埋聯乘產品，但最近Barbie生產商 Mattel 推出嘅電影公仔竟然擺咗大烏龍，包裝上居然印有色情網站網址，引起網上熱議。

根據網民喺社交媒體 X發佈嘅貼文，Mattel 推出嘅《魔法壞女巫》電影角色公仔，Elphaba 同 Glinda 嘅包裝盒背面右下角印有電影公司版權資料，並附有一個官網網址。原本網址應該係「www.wickedmovie.com」，但包裝盒上的網址就打漏咗「movie」呢個字，變成咗「www.wicked._」，而呢個錯誤網址一撳入去竟然係一個「咸網」，各位家長們見到都真係嚇一跳。

呢件烏龍事件迅速全開，Mattel 亦隨即就事件出錯而道歉，並提及立即採取行動糾正錯誤。目前已從 Target 、 Walmart 等主要零售商的貨架上下架。

另外，佢哋建議已經購買嘅產品消費者應丟棄產品包裝或遮蓋連結。而呢件事都令部份家長擔心，紛紛檢查市面上其他同《魔法壞女巫》聯乘嘅產品，例如 LEGO 及 蛋糕預拌粉 等，暫時就未發現有同樣嘅錯誤。

▼Follow GadgetGang HK
YouTube: https://www.youtube.com/@GadgetGangHK
Instagram: https://www.instagram.com/gadgetganghk/