黎耀祥未試過問人借錢　保持初心唔大使：紅咗又點？

視帝黎耀祥早前受訪，憶述自己由跑龍套捱起，但由於醉心演戲，所以一直自得其樂﹗談到當時的經濟負擔，他相當自豪家教好：「我阿媽教得我哋好好，從來唔會先使未來錢。如果我個袋有8蚊，咪最多用6蚊囉，所以大家未認識我之前，我都算有積蓄，仲可以攞少少家用返屋企㗎，真係未試過問人借錢喎！」

當年家住順利邨的他，即使每天需要大清早回廣播道電視總台報道開工，依然選擇以巴士及港鐵代步：「有訓練班同學住喺我附近，所以撩夾搭的士返工，我真係唔捨得，所以咪選擇搭港鐵到樂富，然後再行上廣播道囉，都要行成十幾二十分鐘㗎，但我真係唔覺辛苦，搭頭班車都係遲少少返到去啫！」回顧即使後來走紅，他依然保持初心：「紅咗搵多咗啲錢又點？咪又係瞓嗰張床，最多咪揸架好少少嘅車囉，依家我都不知幾享受去街市買餸煮飯呀﹗」

東網網站 : https://on.cc/東網Facebook專頁 : https://www.facebook.com/onccnews/