香港經濟疲弱，大家過年唔知有冇手緊咗呢？本地券商耀才證券(01428)主席葉茂林繼續其豪爽作風，大擲近百萬，喺知名食府大搞公司「團年飯」，兼大派利是一封，人人有份。未夠，兼設價值30萬奬金及奬品，個個開心過肥年！
葉茂林就話，去年環球經濟持續低迷，香港金融業亦面對嚴峻挑戰，有成40間同行退出香港市場，唔退出嗰啲，部分傳出減薪、裁員消息。耀才有一眾員工辛勤付出，本財年首3季盈利升約8%，至4.76億元，客戶戶口總數仲創新高，達57.9萬個，除咗有一班客仔長期支持，都要感謝員工緊守崗位，迎難而上！
唔止有大餐，聽聞今年花紅都好和味，有人攞到近19個月糧極厚花紅！難怪個個都笑到見牙唔見眼。
東網網站 : https://on.cc/東網Facebook專頁 : https://www.facebook.com/onccnews/