37歲洪永城今日突然投下粉紅炸彈,宣布跟長跑健將女友梁諾妍結婚,二人更分別在社交平台公開鬼馬婚照,得到一眾圈中好友湧入送上祝福。當中曾經跟洪永城出生入死的好拍檔黃翠如亦不例外,打下大篇長文祝福好友,更跟準新娘講笑指「感激你接收他,你唔要佢,冇人要佢了」,可見二人關係極好。
黃翠如在IG貼出好友洪永城的婚照,寫道:「洪永城,終於等到這一天。對著這個笨城,總有說不出的感受,一起成長互相關懷的時間不多,互相吵架的時間卻太多。」又透露進入無綫後跟老友一齊經歷不一樣的工作環境、一起捱批評,一起變強大,更有段時間自己是雜誌封面常客,標題令她很難受,洪永城曾表示會幫她發聲,出文反擊,不過最後自己撳住對方,不過亦感激那是第一次感受到好友懂得照顧人,又開玩笑指:「我發現他很會照顧別人,就是對我特別差,所以我怎會不討厭他⋯⋯」
同準新娘亦很老友的黃翠如又指:「Inez, you are the one,感激你接收他,雖然他有太多缺點,又污糟又煩又大男人,脾氣又差,又冇交帶,好多諗法但好少實行,話減肥個肚腩永遠喺度,每本書睇頭三頁當睇咗⋯⋯⋯但係你唔要佢,冇人要佢了。記住,如果洪大笨蝦你,我一定幫你搞掂佢。祝福兩位我愛的人。」
留言 0