伍富橋與現年27歲的林穎彤(Bella)拍拖年多,林穎彤近年因為冧掂星夢娛樂老闆何哲圖上位,唱歌、拍劇做主持工作不斷,不過脫貧唔係單靠工作,而係高招mark住一班富貴兵團,被捧後即撇甩拍拖兩年奀星容天佑,換上高等兵伍富橋陪出陪入,有四十萬戰車管接送,不過林穎彤(Bella)與伍富橋近日傳出分手,更互相取消關注對方ig,似乎感情危危乎。
撰文、圖片:東方新地
伍富橋 林穎彤互相取消關注ig
近日盛傳林穎彤和伍富橋情盡,昨日林穎彤出席慈善活動記招時,被記者求證是否已與伍富橋分手,她眼眨淚光、強顏歡笑謂:「之前一齊宣傳,依家冇乜話題冇聯絡,因完咗宣傳,(係咪互相取消關注ig)係,不嬲都follow好少人嘅。」林穎彤更將伍富橋降呢為「朋友同事」,稱大家見面唔會尷尬,不過承認「性格非可以傾到偈做好好朋友」,更指伍富橋文靜,她活潑。被問到有否第三者介入,林穎彤稱未準備拍拖,但會考慮圈外對象。
當年林穎彤撇奀星冧伍富橋
年前林穎彤與訓練班出身奀星容天佑有兩年時間打得火熱,不過,拍完《城寨英雄》開始上位,Bella亦火速撇甩奀星,當時更搵阿媽做擋箭牌,表示媽咪反對拍拖要她珍惜前途,可惜大話好快被揭穿,冇耐已經被揭與同公司星夢娛樂的新人伍富橋過從甚密,相信錢途比前途重要!相比容天佑乜都靠自己,出身小康家庭的伍富橋,入行不久已獲阿媽打本開舞蹈學校,又揸幾十萬Tesla出入,當然更得林穎彤垂青。
林穎彤一石二鳥狂收兵有司機有小鮮肉
有高等兵伍富橋照顧周到,林穎彤出入變公主,當時有伍富橋駕駛其價值四十萬的 Tesla接載她返電視城開工,到埗先在伍富橋座駕內補妝,男方又幫她攞嘢服侍周到,早已將伍富橋治得貼貼服服的她,拍完嘢更儼如女主人,攞住車匙帶住小鮮肉師弟劉子碩出來坐順風車,更被小鮮肉氹到笑唔停,有高等兵做司機,又有潛力兵氹笑,一石二鳥都唔會搞出個「嬲」字,名副其實冧仔高手!
留言 6
寶
嘩 整容整到過哂火😰
2020年10月15日11:59
東森天定
做娛樂圈有幾多有真愛?大多數都係為錢為上位,為博新聞等等
2020年10月15日12:08
熊出沒注意
大面乞兒
2020年10月15日11:51
.
兩個個格都好衰下,真是阿豬阿狗都出來唱歌
2020年10月15日13:51
Fai
人開始多人識就係咁,以為自己係大明星
2020年10月15日14:01
顯示全部