【台鐵事故】余思霆避過死亡列車出事前1日返花蓮

台鐵日前發生嚴重意外，釀成多人死傷，身為花蓮人的余思霆接受東網訪問時，表示原定計劃於意外當日起行返家鄉，但後來提前了1天出發，避過踏上死亡列車，她說:「真係好好彩，不過我都唔會搭到咁遠，會喺中途落車，其實意外發生睇新聞好擔心，開始時話有4個人離世，都未知咁嚴重，到晏晝就幾十個，有諗會唔會有朋友、同學呢？因為我哋好多花蓮人，其中有朋友坐咗嗰班車，好在都平安冇事，大家喺網上報平安。」更指自己的哥哥平日也一星期搭2次，乘坐該列車往返台北及花蓮，認為是次意外提醒要珍惜當下，因為永遠不知下1秒發生什麼事。

而近日播出有份參演的劇集《愛美麗狂想曲》，不過因思霆身在台灣未能現身宣傳，惟有於社交網Po劇照為劇集造勢，她表示印象最深與何遠東一場對手戲：「講我哋由網友變同事，見番發現佢原來一啲都唔靚仔，因為場戲對白好長，拍攝時好緊張，好在阿遠帶領我點做，令我好放心，亦因為咁體會到原來演戲要放鬆先做到，同埋入面我好多群戲，好似陳豪、李佳芯、蝦頭都係好得意嘅前輩，令到成個氣氛好多歡樂。」

東網網站 : https://on.cc/

東網Facebook專頁 : https://www.facebook.com/onccnews/