容穎賢舊愛KOL長文指控出軌食軟飯　男方曾和許靖韻拍拖

IG擁有超過6萬Follower的KOL Sarah，和曾經參加兩屆《全民造星》、亦參演過《PTU機動部隊》、《黑金風暴》、《戰毒》等電影的舊愛容穎賢，拍拖時不時公開放閃。不過近日原來已經分手，Sarah更在IG出長文大爆容穎賢「喺蘭桂坊攬住阿姨」及「食軟飯」。

曾和歌手許靖韻拍過拖的容穎賢，和Sarah拍拖時常高調放閃。但原來二人已經分手，女方更於昨晚在社交平台出長文，當中提到：「叻仔，無縫接軌終於食到咁大兜軟飯，之前仲成日拎阿姨同小鮮肉離婚單新聞出嚟笑，今日終於到自己接到呢兜軟飯，你唔同我氹到呀姨一億幾千萬唔該你哋千祈唔好分手，白費咗你幾段食人軟飯嘅經歷。」亦指二人拍拖時，男方亦和「上海富婆」舊愛未斷纜：「你嘅每一段．真係每一段感情都係Overlap，你有冇反思過咁樣係咪真係冇問題？」而在拍拖約一年時，男方出席聖誕Party，被指當時已經「努力追緊阿姨埋佢身」。
長文中亦說男方不時出去飲酒，之後IG都會多了很多女性朋友，而9月23日拍拖一年半原本會一齊慶祝，但居於澳門的男方卻表現冷淡：「為直覺話我知，我猜想嘅嘢係即將要發生，我有時都好驚自己估得咁準……」

最後二人分手收場，Sarah表示本想「好來好去」，但見到他分手三日後就攬女，之後更致電給她，才決定公開：「我淨係想各不打擾就完咗佢，點知你前幾日喺蘭桂坊攬住阿姨出席公開活動，開心完一晚之後．都仲可以繼續打俾我，YOU MAKE ME SICK！9月23號同我講完”老婆一年半快樂” 分手三日之後即刻攬住其他人，你係咪到呢刻都覺得兩年嚟你玩嘅嘢．我係咩都唔知？」
而在Sarah出長文後，容穎賢亦有聯絡她，Sarah公開對話截圖，男方指：「嗰日上半山佢嗰時個老公仲喺度喎。」「分手後三日攬住邊個？」最後希望女方刪文：「有啲咩令你誤會我同你道咗歉先，但係好哋哋傾兩句得唔得？」而容穎賢之後已將社交平台轉為私人帳戶。