伍富橋孖老婆蜜遊馬爾代夫　被爆出軌床照曝光

歌手伍富橋2022年迎娶富家千梁兆楹（Shirley），榮升「億萬駙馬」嘅佢更不時透過社交網高調放閃，認認真閃到盲。而不時透過社交網分享生活點滴嘅伍富橋，日前就晒出同老婆去馬爾代夫蜜遊潛水嘅片段，成段旅程盡顯奢華之餘，伍富橋更透露「被出軌」，並晒出對方將佢嘅「出軌證據」Send畀老婆Shirley，只見對方直言：「你老公偷食」、「我有你老公偷食證據喺手」不過向來對老公信任有加嘅Shirley，則抱住「食花生」心態回道：「想睇」反而伍富橋就搞笑分享：「我老婆話如果要課金先有得睇，就唔睇」、「我尋日都影咗好多床照，係咪嗰幾張？」

東網網站 : https://on.cc/東網Facebook專頁 : https://www.facebook.com/onccnews/