藝人張致恒（Steven）與老婆雯雯之前一日到黑嗌離婚，但隨着Steven近日學吳浩康做地盤，洗心革面成為職安真漢子，又凝造好爸爸氛圍，形象得以改善。
正當大家以為Steven生性之際，雯雯又再爆發，疑爆Steven好爸爸形象下真面目。之前細仔1歲生日，Steven曾貼出一張全家福，照片鬆郁矇真實反映夫婦2人照顧4個年幼孩子的生活狀況。今日（9日）凌晨，雯雯又再黑底白字發限時動態怒轟：「係呀我靜咗咁耐又出嚟發癲，屋企存在病菌一個傳一個，仲要全部未病好。今日帶一個朋友小朋友嘔咗回家沖涼，坦白講對人哋同自己小朋友負責任嘅，係咪唔應該呢個時候去搏？我知道呢位朋友幫咗我哋好多，我哋係無可能拒絕，但咁多小朋友，我相信真心朋友嘅會明白。」
雯雯指兒子出事卻受到冷漠對待：「今日朗朗仲要呼吸唔到要立刻去醫院，當時你喺出面招呼緊朋友，仲要走入嚟大大聲鬧我，連朗朗辛苦到喊到咁犀利都望咗我一眼，細細聲叫咗我一聲媽咪。再到我媽打來聽到我喊都安慰我，叫我快帶朗去醫院，你？最記得：佢依家仲有呼吸咪得。」矛頭直指Steven。
東網網站 : https://on.cc/東網Facebook專頁 : https://www.facebook.com/onccnews/
留言 15
Fiona Wong
喊解決到問題咩？明知佢靠唔住你仲期待佢去安慰你？作為一個媽媽，明知個仔唔舒服諗都唔洗諗直接去睇急症啦！仲等⋯⋯真係想等到佢抖唔到氣為止？都生左4個，唔明點解仲咁戀愛腦！成熟少少就可以解決既問題，都解決唔到😓最慘係個4個小朋友，都唔知可唔可以正常成長⋯⋯
09月09日16:36
N
生仔真係要先睇吓自己情緒管理如何，如果好似雯雯果啲，就真係生少啲好⋯
其實我係好心痛位小朋友，咁細個要俾人綁住抽血⋯⋯點解要綁，我諗主要原因係小朋友情緒激動，而小朋友激動嘅主要原因，係因為大人激動！！！
最簡單例子，小朋友跌倒，如果無受傷，只要大人個樣唔驚，由得佢自己起身，佢根本唔會喊；但大人如果個樣勁緊張衝埋去，小朋友由大人表情知道發生左大事，佢就會喊！
雯雯長期處於情緒不穩狀態，其實係好影響小朋友，小朋友會成日喊！佢話聽到小朋友喺房入面喊，自己又喊，佢根本無諗過，我哋做阿媽，就算個心痛到死，都要忍！！要俾小朋友勇氣，俾小朋友鼓勵！！！
連喺小朋友面前忍喊嘅能力都無，你小朋友係早產，病痛陸續有來（唔係咒小朋友，因為我朋友個細路都係早產，睇住小朋友出入醫院插晒喉、父母超擔心，真係唔係講笑咁難捱！），你自己都面對唔到，你叫小朋友點算？？
要喊，就等小朋友瞓晒先！！！佢哋仲細，唔好俾佢哋聽到見到！！你係小朋友嘅支柱！你都頂唔住，小朋友見到，又點會唔驚？？
09月09日12:44
rita1234
都係嗰句：一個接一個，又冇本事湊，你估唔使供書教學啊？生咁多把鬼咩？
09月09日12:29
Terry Chow
成日買慘！買到你老公都唔相信了😅🤣🤣
09月09日08:01
Gelatoni杰拉多尼
雯雯最煩膠，成日搵家事俾人當笑話
09月09日07:56
顯示全部