10月26日係天王郭富城(城城)59歲生日,去年佢大搞生日P,獲大批圈中好友出席同賀,今年佢就先同粉絲一齊過,因為仲係Fans Club成立34周年,令到件事更有意義。今次生日會郭富城以一身火紅上衣現身,相當喜慶。有粉絲上載現場片段,見佢喺台上興奮大講寫書法心得,用嚟比喻人生,要不斷創新、創作自己嗰團火,現場粉絲大爆佢一個人就已經講足半個鐘以上,當然亦有同歌迷互動嘅時間,被大讚又靚仔又有禮貌,對粉絲就似足家人咁親切。
有粉絲亦上載城城切cake片,只見大會司儀發動台下眾人大唱生日歌時,城城就指揮家上身,拎住刀指揮全場大合唱,場面搞笑。佢一切完蛋糕之後,更High爆高舉蛋糕刀,個樣開心到好似贏咗F1賽車第一名咁開心,即令粉絲尖叫。
東網網站 : https://on.cc/東網Facebook專頁 : https://www.facebook.com/onccnews/
留言 0