藝人姜皓文日前於馬來西亞完成劇集《無懼》拍攝後隨即返港開會，原來近日他與無綫達成合作協議，稍後將出發前往南也門及沙特阿拉伯，拍攝旅遊節目《與天地對話》。由於沒有直航機關係，中途需要數度轉機，加上機程預計要花上超過20小時，令他不禁說﹕「我本身似人哋有密室恐懼症咁，平日唔可以被困喺同一地方太耐，所以咁長嘅旅程為我嚟講係吃力嘅，咪當係一次挑戰囉，而且呢啲地方平日自己唔會去旅行嘛，所以覺得應該點都要去一次！」
據知，兩處地方周邊一帶都正有內戰，且長期遭受汽車炸彈襲擊等威脅，難怪姜皓文太太殷寧曾因擔心其安危，希望「勸退」老公，姜皓文坦言﹕「其實我自己都上過網做資料搜集，知道可能會面對安全問題，屋企人真係有叫我考慮清楚先好出發，不過無綫方面承諾我哋係會遠離戰區拍攝嘅。而今次個主題安排我喺呢個咁特別嘅地方，搵出同我本人相似之處，令我更加了解自己，或者返嚟我會變成另一個姜皓文呢，所以都幾期待！」
東網網站 : https://on.cc/東網Facebook專頁 : https://www.facebook.com/onccnews/
留言 0