周子瑜Solo出道被寸冇實力　唱Live片曝光扭轉負評

韓國女團TWICE嘅台籍成員周子瑜，日前為宣傳Solo專輯《abouTZU》嘅佢，更登上廣播節目《李恩地的歌謠廣場》，並即場開麥唱《Run Away》，甜美靚聲認真令人驚艷。

節目上周子瑜透露，第一次得自己出席活動，係一個全新嘅挑戰，而今次唔止媽咪及台灣好友都飛咗去韓國支持及陪伴佢，成員們更抽空到音樂節目中為佢加油打氣，特別係聽到：「要幫忙就跟我們說！」令佢內心深處感到非常踏實。而隨着周子瑜唱Live嘅片段曝光，更喺台灣掀起熱議，唔少網友更紛紛留言大讚周子瑜唱功進步：「好喜歡子瑜的音色！」、「看到子瑜能這樣好好的發揮，作為ONCE（TWICE粉絲名）心滿意足了，真的天使的聲音呀！」、「一開始有點緊張，但後面愈唱愈好了，聲音真的很好聽，子瑜加油！」

東網網站 : https://on.cc/東網Facebook專頁 : https://www.facebook.com/onccnews/