頭條獨家丨娟姐投訴肥仔口花食佢「豆腐」 演完羅太怕做真師奶

娟姐（練美娟）最近在ViuTV劇《反起跑線聯盟》首次演媽咪兼師奶「羅太」，跟緋聞男友肥仔（梁業）＠ERROR演一對，仲被劇組公認最有夫妻相。不過娟姐就投訴「老公」拍一場按摩戲時食她豆腐，大講有味說話，而她演完極致的師奶後，更怕了做真阿太。

採訪：杜杜

因七師傅一句戲言，令娟姐跟肥仔傳出緋聞，她強調：「我同佢零交流喎！」但承認同肥仔合作幾夾，「之前合作過做綜藝有一定默契，所以再去演夫妻容易快啲入戲。」娟姐又指台前幕後都認為兩人是劇中最有夫妻相的一對，「首先outlook啦！同埋我哋又真係熟絡，就算唔係入緊戲，化緊妝或者食緊飯，都會你窒吓我，我又窒吓你，大家就會覺得『好歡喜冤家喎！』佢哋講我哋又唔避忌！我哋會話『聽日就結婚㗎嘞！』。」

羅太以媽咪做藍本

不過跟肥仔老友鬼鬼的娟姐，竟然對這位「老公」有啲投訴，「佢食我豆腐呀！哈哈！嗰日拍我哋一家三口情景，需要我哋做一啲按摩，咁夫妻間按摩，你按吓我，我按吓你好平常，但要知道肥仔啲肉又厚喎！按唔到，佢又叫我『按上啲！按入啲！』，我作為女藝人或者女演員，有少少唔舒服囉！但係望吓大家咁熟，又唔同你計較啦！哈哈！」

娟姐飾演無時無刻搵着數的羅師奶，她深感同自己想像中的太太生活完全相反，更怕了將來做阿太，「我諗我係Gigi或者家怡type嘅太太，總之唔會係羅太咁極致嘅師奶，佢同我理想中做咗人父母嘅家庭主婦生活係兩樣嘢，導演成日叫我着啲好奇怪服飾，或者做啲好奇怪舉動，我好驚播返出嚟，自己唔敢睇返，同埋我唔敢叫媽咪睇，因為我個師奶藍本係仿照我媽咪，哈哈！我驚佢睇完會嬲呀！」

更多第5波疫情資訊，請到以下專頁瀏覽 （按此）

立即下載 | 全新《星島頭條》APP :https://bit.ly/3yLrgYZ