小S着5吋高踭鞋騷逆天長腿　舞蹈老師因1物意外搶Fo

台灣藝人徐熙娣（小S），出道多年嘅佢仍然凍齡有道，弗到漏嘅零贅肉身材，更係絲毫睇唔出佢生咗3個女兒，而不時透過社交網同粉絲分享生活點嘅佢，日前更晒出喺屋企着5吋高踭跳性感辣舞嘅片段，並寫道：「好久沒跟翔翔老師一起跳高跟舞，但不知為何他今天穿尿布跳，他一直聲稱因為太熱。」只見身穿黑色背心及黑色超短褲嘅小S，一雙逆天長腿雖然相當有睇頭，但一旁舞蹈老師嘅「銀色尿布」就意外搶Fo，紛紛留言道：「翔翔老師有失禁的問題嗎？」、「那個尿布吸走所有目光了。」、「小S是不是沒包尿有的關係，整個韻味大輸翔翔老師。」

東網網站 : https://on.cc/東網Facebook專頁 : https://www.facebook.com/onccnews/