昨晚(12日)TVB播出的一集《芷珊約您》,嘉賓王嘉爾(Jackson)接受黎芷珊訪問。這位前港隊劍擊運動員,隻身到韓國當練習生、以男團GOT7出道,再單飛發展、粉絲遍佈全球的歌手,演藝生涯到底有多艱辛?Jackson身上有不少別具意義的紋身,他與芷珊分享其中手臂上的《西遊記》剪影紋身,背後故事原來與其演藝事業有關:「媽媽係上海人,每年暑假會返上海,打開電視百分之八十以上都播緊《西遊記》,everything’s《西遊記》、《西遊記》……對我長大好大影響。而我做藝人、歌手,做作品分享畀更多人睇,呢個journey其實都係to the west(往西方世界進發)。」
現年30歲的Jackson有樣有才華,他向芷珊坦承渴望談戀愛,不但希望在35歲前成家立室,更盼望早日成為人父,與子女能如朋友般關係:「我想見佢哋耐啲,想同佢哋成為朋友,一齊去飲酒、跑步、打波。」他對於感情事從不強求,一切順其自然,但人漸成長卻令他變得內向,甚至出現社恐:「本身好active、好開朗,同人好快做到朋友,但時間耐咗,覺得自己有少少冇咁想社交。我以為係好friend嘅、真心嘅,但最尾好多時唔係咁。」
芷珊問到想跟10年的自己說甚麼,Jackson笑言沒有話要說,繼而自爆10年後不再活躍幕前:「佢自己好自為之!我覺得唔會再喺呢個圈度,呢個係我嘅選擇、我嘅人生,我想生活、我想創作,我覺得我嘅強項係創作,而唔係淨係幕前。」
芷珊每集都會要求嘉賓分享一個小秘密,Jackson透露近十多年根本沒有固定的屋企,讓人心酸的是就算回到香港的家,感覺也像酒店一樣:「我好在乎、好愛嘅人喺度,咁嗰個就係屋企。今次阿爸阿媽嚟,感覺好似行入佢哋間房咁,有種energy。」香港土生土長的Jackson,指香港給他家的感覺,希望完成工作盡快回港。
Jackson大膽要求芷珊分享小秘密「回禮」,芷珊指台上與Jackson十指緊扣的VVIP專屬零距離體驗,其實是「自肥」項目:「開頭係(製作組)一個設計,但其實呢件事係我一直以來嘅心願。」芷珊對Jackson讚不絕口,不但大讚他是一個不節不扣的細心暖男,人氣紅透半邊天依然謙卑踏實,全程素顏受訪更無半點偶像包袱:「佢想用最真實、最舒服狀態同我傾偈。」、「雖然擁有千千萬萬個fans,但畀我感覺仍然好踏實、冇飄(囂張)嘅感覺,總括嚟講,愈認識王嘉爾個人,係會愈鍾意佢。」
留言 18
丿。傑🍃🐝⚡️
明明係土生土長香港人,但係佢成日扮自己唔識中文勁離地、人設好奇怪😳,莫名有啲乞人憎
05月13日11:04
飯碗仔🍚
乜呢排喺大陸撈唔掂咩,佢平時好睇唔起香港嚄
05月13日11:20
YR
唔係唱歌唔識中廣東話咩?又愛國,咪返大陸住囉,冇社恐。
05月13日12:03
e
大6哩🤢🤢🤢🤢
05月13日10:21
H.K.L
我見住精神病院病人啲衫同佢果件係一樣...
05月13日13:17
顯示全部