萬眾期待的比卡超首部真人歷險電影《POKÉMON 神探Pikachu》（POKÉMON Detective Pikachu），5月9日上映，正式宣布粵語配音由鄭中基、方力申領軍聲演！
早前，電影公布英語版由「死侍」賴恩尼諾斯（Ryan Reynolds）聲演電影的靈魂人物兼人氣精靈Pikachu，而粵語版則找來同樣幽默風趣，又是好爸爸的鄭中基來獻聲。
至於戲中另一重要角色，要透過Pikachu查出爸爸失蹤真相的Tim，英語版由《侏羅紀世界：迷失國度》積提斯史密夫（Justice Smith）真人飾演，香港則由方力申聲演。
本身十分老友但久未合作的鄭中基及方力申聯手，加上貼地粵語對白演繹，務求用靚聲換來全港大、小朋友的歡樂笑聲！
二人先後在不同電影、電視及配音作品等多次合作。Ronald表示：「我自己一直好欣賞Ryan Reynolds，當時睇預告知道佢為Pikachu配音已經覺得好過癮，點知無耐就接到電影公司邀請話想我為香港粵語版配音，巧合得嚟又好似幾好玩，加上我都好耐冇配過卡通，決定挑戰吓。」
Alex一收到邀請並得知Ronald亦有份參與就二話不說答應：「我同Ronald好熟，但有一段時間冇合作過，所以一聽到話佢都會一齊配就好興奮。同埋之前都希望可以接到有適合嘅作品可以同我游水學校嘅小朋友學生一齊睇、一齊分享，時機啱啱好。」
撰文：二弟