音樂才子方大同（Khalil）出道13年以來，創作嘅歌曲一直貫徹強烈個人風格，睽違4年，方大同為一眾久候嘅fans帶嚟好消息，就係佢將會喺下年3月尾再次踏上紅館，舉行「Tio靈心之子巡迴演唱會－香港站」，唔知到時方大同會畀個咩驚喜大家呢？
方大同兩年前嘅《JTW西遊記》專輯令佢喺台灣登上金曲歌王，不過佢亦表示唔會再推出原創專輯，令唔少歌迷大嘆可惜，但其實Khalil一路都冇停止過音樂製作，事隔兩年，方大同為演唱會推出全新主題曲《Throw It Off》，「新歌歌詞提到follow your heart，係希望大家可以聆聽自己心底嘅聲音，拋開各種負面能量」，方大同希望新歌能鼓勵大家追隨自己嘅本心，捨棄雜念，讓心靈回復平靜，呢種生活態度亦係今次演唱會想傳達嘅訊息之一。
A post shared by Khalil Fong (@soulboykhalilfong) on Nov 22, 2018 at 7:38pm PST
今次演唱會除了為聽眾消除負能量，仲紀錄咗方大同現時嘅心理狀態。「過去4年嘗試做咗好多新事情，例如成立咗自己公司，寫咗兒童書，呢啲經歷令我感覺好似一個新人，非常有新鮮感」，因此，Khalil以「靈心之子」作為今次演唱會主題，回應自己首張專輯《Soulboy》之餘，亦代表自己將會以一顆赤子之心繼續出發。他希望演唱會當晚，能夠用音樂細訴4年來的感悟和經歷。
方大同透露演唱會已經準備得七七八八，但嘉賓方面尚未落實，不過他指兩晚將會有不同嘉賓，期望到時給歌迷一個驚喜。而除了演唱新歌，Khalil也預告會在演唱會上翻唱經典舊作，保證聽眾滿意。另外，他亦會在下星期推出新單曲，樂迷記得留意呢。
Tio靈心之子巡迴演唱會－香港站
票價：$880、$580、$280
日期： 2019年3月30至31日
地點：紅磡香港體育館
公開發售日期：有待公佈
留言 0