又輪到一年四季係女仔都感興趣嘅題材，就係染髮喇！小編覺得染到適合自己嘅髮色真係非常緊要，太深太淺都會影響外觀，就連襯衫同氣場都會有所改變㗎。今次小編就會講幾款秋冬大熱色俾大家參考，順便介紹幾款近似色嘅染髮劑！想知呢期興啲咩色就快啲碌落去睇吓喇。
圖片來源︰網上圖片、Instagram｜撰文︰Debbie
秋冬必染髮色大熱（一）- 黑茶色
黑茶色係一款低調且人人都可以駕馭嘅髮色！最近潮流又興返復古天然風，連Jisoo同《以吾之名》女主角韓韶禧都將冷色Carry得非常仙氣！室內睇似原生髮色，但相比起黑髮又會輕盈咗，喺陽光下滲透會有微微深啡色，睇落仲有減齡效果添！
愛茉莉精油護髮泡沫染髮劑 – 煙燻茶黑色 【按此購買】
秋冬必染髮色大熱（二）- 森林霧棕色
呢款髮色能夠隨著季節同鍾意嘅Style做調整，以啡、綠、灰為主要組成元素，其中綠又有較淺亞麻色調、較深墨綠色，染出來嘅效果就會唔太一樣。
室內係質感滿分深髮色，一到室外陽光下即刻透出唯美冷棕色！唔單止超顯白仲唔挑膚色，染完睇落連髮質都好咗啊！
Prettia Liese 泡沫染髮劑 – 霧霾棕色 【按此購買】
秋冬必染髮色大熱（三）- 亞麻奶茶色
永遠唔過時嘅亞麻奶茶色絕對係一年四季嘅髮色好選擇！可以將膚色襯托得更加白皙，就算係淡妝都好適合㗎！加上奶茶棕係亞洲女仔最易駕馭嘅髮色，不論深或淺膚色都好睇。用捲髮器做波浪曲髮會更加有層次感同更有混血氣質添！
HELLO BUBBLE 精油護髮泡沫染髮劑 – 卡其棕色 【按此購買】
秋冬必染髮色大熱（四）- 楓糖班比色
雖然咖啡色依舊係不變嘅流行趨勢，不過依家你又多一個選擇。南韓就興過一波「楓糖斑比色 BAMBI BROWN」，睇完絕對吸引到你想染埋一份！
楓糖斑比色BAMBI BROWN其實就同英文字面意思一樣，來源於小鹿斑比嘅啡紅色，似巧克力卻多一份秋天緋紅色彩，增添柔霧嘅感覺。冇以往咖啡色咁單一，唔單止襟睇仲顯得更加有氣質！
HELLO BUBBLE 精油護髮泡沫染髮劑 -日落橙 【按此購買】
小編提提大家，每個人嘅髮質都有唔同，如果本身已經染過仲傷過頭髮，建議先搵髮型師問一問意見再染頭，因為頭髮如果貿貿然唔保養就去染好容易會脫髮什至頭皮發炎！如果染髮劑都滿足唔到你理想嘅顏色，就要搵專業嘅髮型師搞一搞喇～需唔需要漂髮亦視乎髮色同本身你頭髮自帶色嘅深淺程度，所以最好問清楚先好Take Action呀！
相關文章：【女士必學！日本節目實測快速吹乾頭髮 呢個方法最有用 慳3分1時間！】
——————————————————
Follow 我地睇更多最新情報！
Facebook – SAUCE – 為生活加一點味道
Instagram – sauce.media.hk
MEWE – SAUCE – 為生活加一點味道
Website – https://saucemedia.net/
留言 0