何佩瑜孖伍詠薇上天池　天公作美唔使凍到面僵

藝人何佩瑜（Jeana）近日與同經理人公司的伍詠薇（伍姑娘）、劉若寶、黎峻及朱天前往長白山拍攝一個旅遊項目，兼且負責推廣吉林東北文化。眾人寓工作於娛樂，不忘享受當地美食及醉人風景，愛美的Jeana更穿上粉色雪裝四出打卡留倩影，靚人靚景目不暇給。

談到此行，Jeana透露﹕「我長期喺北京生活，所以抵冷程度都可以，但伍姑娘佢哋其實唔係太習慣，事關呢幾天當地氣溫得零下十幾二十度，我哋仲要上山搵天池，真係凍到面僵兼眼睫毛結冰，不過真係天公作美，上到天池陽光普照，聽講未必位位旅客上到嚟，都遇到咁好嘅天氣，同埋見到天池㗎。」

Jeana又指今次增強了不少歷史知識：「呢度已經係擁有二千五百年嘅歷史地標，歷史人物劉伯溫當年奉皇帝之命要斬斷龍脈，佢偷偷哋淨番一條，嗰條就係長白山嘞，我見到呢度大自然嘅感覺，真係忍唔住流咗眼淚呀！」

東網網站 : https://on.cc/東網Facebook專頁 : https://www.facebook.com/onccnews/