伍富橋夫婦公開5000呎大屋　　風水師驚嘆：迷宮咁大

踏入甲辰龍年，最大件事就是「行九運」，20年一轉的地運，影響家庭、事業、健康，就連香港運勢都被牽動。明晚（2月13日）播出的J2風水命理節目《2024開運救兵》主題是「夫妻事務所」，嘉賓是有「億萬駙馬」之稱的伍富橋（Alvin）及太太梁兆楹（Shirley）。

在熱身的「快問快答」環節中二人心有靈犀，非常清楚對方喜好，Alvin更被太太踢爆口頭禪是「老婆呀」，Shirley埋怨說:「佢每日都講成百次，我啲朋友都話佢煩。」似在抱怨但語氣卻滿心歡喜，擺明公然放閃。

Alvin與Shirley於前年拉埋天窗，明言希望開枝散葉。Depp師傅從二人的家居風水入手，他斷言睡房特別是露台部份，是絕佳的風水位置。裸泳師傅聞言大笑，提議二人於該處「辦事」可能會有「意外收穫」，引得全場大笑。

Depp師傅望着二人5,000呎大屋的平面圖及照片慨嘆說︰「你屋企迷宮咁大喎，咁多樓梯、走廊，喺呢度我嘅方向感已經迷失咗……」接住師傅講笑話︰「Alvin你問我可唔可以增設籃球架，咁嘅屋企增設足球場都得呀，呢啲關個人喜好同能力事，唔關風水問題。」此外，裸泳師傅提議二人多穿啡色衣服可減少嗌霎，慧慧師傅為二人手綁紅繩促進感情。