遭前藝人誤導投保！阮德鏘終與保險公司和平解決

藝人阮德鏘與太太Ciwi接受無綫節目《東張西望》訪問，好友兼前藝人透過轉職保險業為他們的囡囡投保，可惜對方搞到阮德鏘夫婦誤以為投保兩年即可自動滾存，但於3月左右收到斷保消息，恍如晴天霹靂。

今晚節目內Ciwi更公開與對方的錄音對話，雖然對方多次道歉，但明顯地對當日購買保單內容不清楚，當發現有問題時，更以阮德鏘名義打保險公司熱線查詢，結果收到客戶問卷調查，遭Ciwi識破，質問他為何冒充丈夫身份，其後節目再透過專業保險顧問了解，原來當初保單供款根本長達30年。

阮德鏘表示傷感情緊要過錢財損失﹕「佢轉行，我好心介紹咗約20位朋友幫佢買保險，後來發現啲朋友疏遠我，可能係以為我有着數。依家我公開咗件事，大家又搵返我，起碼知道我係無辜嘅。」《東張西望》又走訪了藝人戴耀明及霍健邦，後者亦被騙數萬元﹕「唔緊要，幾萬蚊認清咗一個人﹗」據悉對方因誠信問題而被釘牌，目前轉職地產，《東張西望》嘗試聯絡他，他聞言即收線，幸而保險公司方面已與阮德鏘夫婦達成協議，會取消保單，雙方和平解決事件。

東網網站 : https://on.cc/東網Facebook專頁 : https://www.facebook.com/onccnews/