Mandy譚旻萱化身性感人工智能女神　鬧市拍廣告獲司機驚喜獻花

譚旻萱（Mandy）從籃球女神變成寰亞全新女團Me&一員，近日搖身一變成為人工智能女神，為金融科技公司拍攝全新廣告。今次Mandy更以個人唱跳形式參與拍攝，換上全白色露肩裝以性感女神姿態現身鬧市，惹來不少途人圍觀，有行經的車輛司機，竟然送上花束給Mandy，非常搞笑及驚喜。

Mandy今次白色性感連身裙現身鬧市的，對於造型感到非常驚喜。「因為平時衣着比較隨意，所以只有工作嘅時候會着得高貴啲，可以令大家感覺到呢一陣貴氣，我都好開心！今次拍攝要扮演專業人士同Fintech達人咁，仲有唔同造型，相信會帶到驚喜畀大家！另外，今次我哋喺街頭拍攝，因為遇上大雨關係，都擔心唔能夠完成，不過好彩天公造美，去到現場停咗雨，最後順利完成。」

Mandy拍攝期間，不少途人圍觀，有途徑的司機更向她送上花束。「好多謝呢位朋友，架車喺我身邊經過，突然送上一束花畀我，真係好好笑。」Mandy在現已熱播的廣告中挑戰個人跳唱，她包辦唱歌、錄音、排舞，簡直是MV級的拍攝，今次的Fintech廣告更令Mandy學了很多金融科技的小知識，令Mandy又一突破。「今年真係充滿挑戰嘅一年，今次拍廣告係我第一次挑戰個人跳唱，同相熟嘅排舞老師丹儀一齊練舞、學習，好過癮！下半年會有更多新挑戰，而家好好裝備，學武術、跑山、跑步、打拳，好期待之後有更多新嘅作品見大家。」