歐瑞偉收埋花旦老婆　愛女激似朱千雪郭柏妍混合體

藝人歐瑞偉憑《愛．回家之開心速遞》飾演「KC」成功入屋，早年佢已經成日晒靚靚愛女Nicole，估唔到隔咗幾年佢愈大愈靚，最近再次獲網友關注，大讚佢係前港姐朱千雪及郭柏妍混合體。

歐瑞偉日前晒出名牌禮物相話係父親節禮物，因為佢提起愛女，就令Nicole再次引起網友嘅熱論。其實歐瑞偉太太李愛玲（Wendy）曾係馬來西亞當紅花旦，二人喺1995年馬來西亞結緣並拍拖5個月後即結婚，婚後誕下大仔Nicholas及細女Nicole。Nicole早年被讚索嘅時候，佢就直踩話囡囡一啲都唔靚，仲閂晒閘話阿女為人低調唔入行。

前年喺新加坡修畢酒店管理課程嘅Nicole，真係美人胚子，眉清目秀、笑容燦爛，更似足朱千雪加郭柏妍，眼大大令人睇多幾眼，仲要氣質清純，難怪過咗幾年又再次引起網友嘅注意。

東網網站 : https://on.cc/東網Facebook專頁 : https://www.facebook.com/onccnews/