網上熱話｜多區大暴雨天文台僅發紅雨警告　網民鬧爆：浸到游得水都冇黑雨

天文台今早相繼發出黃色暴雨警告及紅色暴雨警告信號，其中將軍澳區更迎來「超大暴雨」，變成澤國，多處嚴重水浸。天文台更在11時48分，在社交平台發帖，預告未來一至兩小時有機會掛黑色暴雨警告，但預告卻引起網民不滿「鬧爆」天文台。

天文台：有機會未來一兩小時發黑雨

天文台11時48分在社文平台專頁發帖，指位於珠江口的強雷雨區正逐漸向東移動，並會在未來一兩小時影響本港，若繼續接近本港並維持強度，「有機會在未來一兩小時發出黑色暴雨警告信號」，而配圖亦大字提醒「未來一兩小時或發黑色暴雨警告」。

網民鬧爆：浸到游得水都冇黑雨
不過網民看來不太滿意天文台的指引公布，大家紛紛留言「鬧爆」天文台，「掛定唔掛架究竟。打亂哂全日啲部署。一陣又話一兩小時，到一兩小時果陣又唔係。」、「浸到游得水都唔出黑雨，好嘢呀」、「咁究竟掛唔掛黑雨？」、朝早都應該要掛黑雨啦。」；也有人呼籲大家注意安全，「黑色暴雨來了安全第一」。