藝人陳懿德今年先後為無綫節目《福祿壽訓練學院》、《2024香港小姐競選決賽》及近期的無綫台慶夜等大型節目擔任主持和司儀，與不少前輩合作，主持技巧提升，在港姐決賽和台慶夜被觀眾讚表現大方得體，因而帶挈她在年尾有不少宴會司儀邀請，獲得搵真銀的機會。
最近陳懿德應邀到珠海為保險公司慶功宴擔任司儀，經過不斷的大型節目訓練，亦應到自己成長不少，她說：「年初同Patrick sir（林溥來）去做宴會司儀，自己都要Patrick sir帶住，去到年中主持《福》，自己好多時都覺得有啲力不從心，對自己都有啲質疑，但係一路跟住王祖藍、李思捷、阿姐（汪明荃）、麥美恩、陸浩明、林盛斌喺佢哋身邊去學，喺咁多位前輩身上真係學到嘢。今次第一次喺其他地方做慶功宴司儀，覺得自己開始可以handle，好開心見到有進步，同埋不斷成長，真係好多謝一班前輩嘅教導。」
東網網站 : https://on.cc/東網Facebook專頁 : https://www.facebook.com/onccnews/
留言 0