有消息指梅拿唔打算退休之後即刻加入拜仁管理層

拜仁副隊長湯馬士梅拿最近接受德國Podcast BR24訪問:

1️⃣講到依家係球隊角色

「我依家屬於球隊後備球員，我覺得每位球員係更衣室、球隊周圍都有自己角色，而係我職業生涯入面，我一直盡力幫球隊發揮最好水平，當然依家都唔例外。」

2️⃣講到退役之後計劃

「我依家將所有精力集中係球員身份，呢樣已經足夠令人好攰。我只可以將來有好多選擇，無論係教練、定係電視足球評論員，或者係足球之外，甚至有可能同我既馬場有關。」

3️⃣講到之後會唔會成為教練

「足球界有幾個角色都幾啱我，但我每次只做一件事。事實上，做教練呢個角色的確有啲方面係我自己幾鍾意。我唔單止希望令其他人進步，我都想分析比賽，同時都可以睇到自己係邊方面可以進步。總有一日我會作出決定，但依家仲未係時候。」

4️⃣講到整個職業生涯都係效力拜仁

「我好開心，亦都好享受。安聯球場絕對係歐洲球壇入面其中一個最特別球場，成日都會坐爆場，而效力拜仁仲可以同最好球員一齊比賽。」

根據圖片報記者Christian Falk消息，梅拿暫時唔打算退役之後即刻加入拜仁管理層。呢位德國🇩🇪球員已經收到幾間電視台邀請，希望佢係退役之後成為電視球賽評論員😶

運動