藝人蔡卓妍（阿Sa）與關智斌一向老友，不時都會相約一齊做Gym，又會在雙方的社交平台上不時見到對方的蹤迹，友誼深厚。
適逢去年年底是關智斌的44歲生日，近期忙於做巡迴演唱會的阿Sa雖未能在正日與老友慶生，但一回港在元旦日就急急腳相約對方出來見面補祝生日，完全唔理會自己仲有時差嘅問題，阿Sa留言：「今日同呢個靚仔補足生日，我仲Jet Lag緊，尋晚又玩到好夜，但見到佢即刻精神番。」
而關智斌亦表示：「1月1日第一個見到嘅人就係佢，呢位buddy去咗一個半月巡演，好耐冇試過隔咁耐見唔到佢，同我慶生之餘，都終於可以補祝返佢11月嘅生日飯，Happy birthday and happy new year。」二人其後還有互相補送禮物，還笑言大家送的生日禮物都是同一個牌子，非常心有靈犀。
東網網站 : https://on.cc/東網Facebook專頁 : https://www.facebook.com/onccnews/
留言 0