無綫3屆視帝黎耀祥和羅嘉良，負責頒發台慶頒獎禮的「最佳男主角」，黎耀祥自嘲：「我今晚凍過水。」他們又笑指另一位3屆視帝郭晉安「上咗岸」，指他好難度期。
張振朗擊敗羅子溢﹑陳豪﹑陳展鵬和黎耀祥，憑《反黑英雄》首次奪得最佳男主角，成為今晚雙料視帝，他聞悉獲獎一刻時爆喊，好友朱敏瀚上前擁抱。
張振朗說：「我同自己講唔好喊，但真係忍唔住，我好開心好多謝每一位畀機會我嘅人，多謝珍姐（曾勵珍）佳導（鍾澍佳）及樂小姐（樂易玲），主席及志偉，多謝每一個鍾意我嘅人，我頭先睇（片段）好多前輩走咗，我曾經諗過我仲有幾耐留喺呢個圈，冇人知，好難估計，只可以盡量enjoy每一個moment，enjoy喺我演藝時候開心時刻，今日呢個獎好重份量，我應承大家，一定繼續努力，演藝係我生命，多謝﹗」
（即時娛樂）
留言 0