藝人錢嘉樂及陳家樂等在尖沙咀出席「全港戲院日2024」活動。身為活動大使的陳家樂提議，希望戲院日下年可改為戲院周，讓多點人可以入場睇戲，他指：「有啲戲喺屋企睇就算好笑都唔會笑出聲，係入戲院睇就會笑。」 錢嘉樂指與陳家樂見面分享爸爸經，陳家樂笑說：「嘉樂哥好愛佢啲小朋友，為小朋友早瞓覺，自己要扮早瞓覺，等佢哋瞓咗先打機，做爸爸原來係要咁。」錢嘉樂說：「ok嘅，小朋友長大得好快，唔係就錯過咗時機。」陳家樂又指不少爸爸分享雖然要努力搵錢，但也要多陪伴小朋友，不要錯過小朋友成長時光。
講到經濟不景，有指連大導演劉偉強有意邀請謝霆鋒開拍的大製作也叫停，加上網劇劇《反黑2》亦因資金問題停工，業界步入寒冬。錢嘉樂表示：「呢樣嘢都成日重復發生，我哋要努力，希望吸引多啲投資者返嚟，電影人好勁嘅，點都可以生存到。」陳家樂則覺得是個別事件：「仲有好多製作都進行緊，自己傾緊嘅都正常，暫時冇影響，我哋都要有信心，唔能夠因為一兩件事，就對行業灰心。」
東網網站 : https://on.cc/東網Facebook專頁 : https://www.facebook.com/onccnews/
留言 0