熊本沾麵空降灣仔｜日本直送超濃魚介豚骨湯底！魚介豚骨沾麵+辛辣沾麵+咖哩沾麵 – 魚雷沾麵

呢間由日本九州熊本過海嚟嘅沾麵店，最近喺灣仔開咗分店，帶埋佢哋招牌嘅 豚骨魚介湯底。湯底係由日本直送到港，製作工序好講究：第一日用足足 50 公斤 嘅豬筒骨、豬手、排骨、雞殼同雞腳熬製，為咗保持純淨味道豚骨只敲打一次；第二日再加入沙甸魚、鯖魚、小魚乾同鰹魚，慢火熬成濃厚嘅豚骨＋魚介鮮甜旨味。三大必試推介魚雷沾麵、激辛魚雷沾麵、咖哩沾麵。魚雷沾麵，用上 豚骨魚介湯底為基低，最能感受湯麵平衡，將湯底精華完整呈現。激辛魚雷沾麵則加咗北印度辣椒粉，辣度直接衝擊，鍾意辣嘅人會好滿足。咖哩沾麵可以一麵三吃，慢慢將咖哩醬拌入，體驗豚骨、魚介同咖哩味道層次嘅變化。

延伸閱讀-2025聖誕節好去處

【金鐘】夢幻沉浸式聖誕中央車站免費入場！重現巴黎鐵道風光！聖誕老人見面＋毛絨盲盒

【將軍澳】迪士尼《小飛象》3,000呎主題聖誕嘉年華登陸香港！9大打卡場景及遊戲區

【太古】聖誕Sweetmas搞怪糖果兵團登陸太古！8米巨大士的糖＋粟米糖迷宮

【馬鞍山】全港首個mofusand喵喵聖誕村登陸馬鞍山！3米高巨型雪人＋7.5米高聖誕樹

【香港故宮文化博物館】香港故宮古埃及文明大展11月開幕！250件法老珍藏＋動物木乃伊

▲麵條方面用上三款麵粉在本地新鮮製作，造就出比傳統更彈牙、更富濃郁麥香的粗麵，每一條都能完美鎖住湯汁。香港店設有冷熱兩款選擇，小編就會建議大家食冷麵， 麵條用冰水洗過後，更 彈牙。

▲（辛）魚雷沾麵($98)：日本總店直送濃郁魚介湯頭，加入自家製香辣油、韓國一味辣粉，辣度適中、層次豐富又夠香！粗麵超彈牙，可選熱沾或冷沾。配料：海苔、京蔥、洋蔥、筍、厚切叉燒。

▲招牌咖哩沾麵 ($108)：一麵三吃！濃厚豚骨魚介湯底先原味沾著吃，超鮮甜！再慢慢將麵條撈進咖哩醬拌勻，最後連咖哩一起沾湯底，香氣瞬間爆發！配料：海苔、京蔥、洋蔥、筍、厚切叉燒（建議食用順序：先原味 → 加咖哩 → 全混一起）

▲（辛）激辛魚雷沾麵($118)：極辣挑戰者專屬！在原味魚雷湯底加倍自家極辣油和北印度辣椒粉，辣度直線飆升，但香氣更馥郁，完全不死辣！適合真‧辣癡。配料：海苔、京蔥、洋蔥、筍、厚切叉燒。

▲魚雷手撕叉燒飯($48)：白飯拌入牛油、叉燒、生蛋黃和沙律醬，輕炙後入口即化，邪惡但好好食。

▲唐揚炸雞3件($38)：炸雞大大件，外層炸粉非常薄。可沾上湯汁增加味道變化。

▲日式餃子6件($48)：皮薄而且煎得香脆，中間保持肉汁。

魚雷沾麵

地址：香港灣仔駱克道389號地下
電話：3753 3699
營業時間：12:00- 15:30；18:00 – 22:30

文字：香港人遊香港