香港人生活壓力大，有時好似連唞啖氣，放個鬆嘅機會都無。難得有一日假期，唔hea住過點對得住自己？全城熱播的Netflix 定格動畫《輕鬆小熊與小薰》（Rilakkuma and Kaoru），早前釋出製作花絮，13集的動畫原來花了兩年時間製作，非常花心機，短短3分鐘的製作花絮就感受到製作單位有幾認真。不過如果要上第二季，係咪要等多2年呢？
睇完製作花絮，可以趁今日五一，喺屋企煲下《輕鬆小熊與小薰》，睇完以下4段推介嘅片段，保證你會回心微笑。
改善身型篇
過完年後背脊條拉鍊一直拉唔起，輕鬆小熊誓要開始不輕鬆地獄減肥法。
離家出走篇
無零食食猶如殺人放火，輕鬆小熊決定踏上尋找歸宿的故事。
密室藏菇篇
案發現場發現一隻輕鬆小熊倒臥地上，散發惡臭之餘仲驚見小熊身上周圍都出晒菇，到底發生咩事？！
Let It Go篇
輕鬆小熊笨拙嘅身軀跳起舞上嚟都似模似樣，加埋一埋雪人，好治癒呀！
撰文：機
留言 0