「御用道友」陳勉良年初三中環街頭做乞衣好不安 為四大才子紙扇捱兩晚搵資料

今年72歲的陳勉良入行近50年，是無綫的甘草綠葉，多年來擅演小人物角色，由「御用道友」做到變「御用保安」，他也是知名國畫畫家，多次開個人畫展外，還會為無綫劇替手作畫。最近陳勉良接受「香港演藝人協會」訪問，暢談入行多年的經歷。陳勉良在年少時曾做過話劇，20多歲時出去打工，後來與同學合作搞臨時演員公司，之後輾轉入行做演員，他坦言當時不想做：「嗰陣見到啲男演員『搽脂蕩粉』，嗰陣唔識係需要化妝。」

【點擊睇陳勉良訪問細數往事】：

陳勉良入行多年，壇演小人物角色，不過原來也有過不快時刻，他說：「有一次個心有啲不安，年初三開工喺中環做乞衣，呢種情況對我哋比較傳統嘅中國人嚟講，年初三就去做乞衣，仲要喺正中環個斜路，人來人往，但係冇辦法，呢個安排唔知有心定無意，係唯一最不安同最唔開心嘅一次經歷。」至於其他角色，他坦言「冇乜所謂」。多年來陳勉良拍過不少古裝、時裝劇，身為國畫大師的他也較愛看古裝劇：「我自己鍾意睇古裝，時裝不外乎男女成家，但好多爭拗、磨擦，香港太多，我就唔係好鍾意睇，但拍（時裝）就好快，唔會好似古裝咁，化妝着戲服都要一個鐘。」

至於國畫之路，原來陳勉良從小已有濃厚興趣，會找畫集臨慕學習，後來才正式跟老師學畫。不過他坦言難以靠畫畫維持生計：「就算可以生存都係勉強糊口，都要打工有啲入息。」當時他一邊做木雕，一邊做特約演員，同時教畫：「就係咁生存咗幾十年，嗰陣都捱得好辛苦，可能係瘋投嘅興趣，令到自己好投入。如果淨係靠一份工作，生活比較拮据，唔好話買樓，住都已經去咗一大部份，都係半被迫情況下做。」

陳勉良為無綫做演員外，同時也有為無綫古裝劇替手作畫，對他來說是當年的《金裝四大才子》和《鳳舞香羅》：「《四大才子》有唐寅，即唐伯虎，畫作我哋能夠搵到好多資料，但係祝枝山資料比較少，佢主要係書法，又會唱戲，好少寫畫，我喺屋企搵咗幾十本舊畫嘅書，找咗兩晚先搵到，仲係黑白唔係彩色。」當時他為四大才子畫了四把扇，就是參考當時所找到的資料。

今年72歲的陳勉良透露暫時未有退休打算：「我唔想就咁退休，我退咗休仲可以畫畫，但係做演員方面，有啲動靜或者每個角色有唔同情況，令自己思想唔會停落嚟，演繹嘅工作都有啲幫助。」如果人生能夠重來，他亦會揀選繼續做演員：「演戲令你唔會死守一個位置，但畫畫就一直坐喺度，成日喺度畫，但做演員有啲新刺激，要你諗下個角色狀況。」

【其他閱讀】：

唐寧移居紐西蘭搵自我 爆喊剖白30年幕前生涯：唔認識自己

林作「新女」性感直播主上圍逼爆 網民爆料係飯局女郎：想釣有錢佬埋單

43歲周勵淇公開卸妝片素顏上陣 超高清下展現零瑕少女肌：懶人會好醜

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ