王嘉慧熒幕初吻獻朱敏瀚 化身后羿嫦娥 上演超時空之戀

以「心連一線 中秋團圓」為主題的中秋節宣傳短片日前播出，由無綫小生朱敏瀚和「東張女神」王嘉慧主演。2人在片中放閃無極限，包括在中環街上拖手狂奔、牀上甜蜜依偎、浪漫餵食等，之後2人深情擁吻，畫風突然一轉，他們換上古裝，分別化身后羿和嫦娥，大玩穿越上演超時空之戀！

宣傳片另一亮眼位，非王嘉慧的百變造型莫屬，畫面養眼。王嘉慧笑言為今次宣傳片獻出多個第一次：「今次第一次拍相關類型嘅片段，導演事前都叫我睇相關短片，等我拍攝可以容易啲代入角色，聽到呢個故事時，我都覺得好淒美，覺得成個故事好吸引人。」

王嘉慧透露拍攝有很多難忘事，特別在晚上於無人中環街頭狂奔，感覺新奇有趣；她指今次亦是首次嘗試古裝Look，她說：「入行以嚟都好想試古裝，今次終於試到，仲要係扮嫦娥！呢個Look除咗好有仙氣之外，仲係好有型，我都好鍾意！」講到與朱仔拍攝咀嘴鏡頭，嘉慧害羞說：「今次係我嘅熒幕初吻，事前我好緊張，拍緊嘅時候唔係好敢呼吸，有少少閉氣感覺，朱仔佢叫我放鬆啲，最後都好順利咁完成拍攝。」

（即時娛樂）