謝安琪愛女跳舞猛料肥仔都讚　母感安慰：好鍾意睇

藝人張繼聰與謝安琪（Kay）的女兒張靖（花名Kakaball）遺傳了父母的表演欲，會玩樂器及熱愛跳舞，近日Kay在社交網上載了一條Kakaball表演跳舞的短片，片中見她跟其他小女孩活力十足地在台上跳舞，舉手投足充滿自信，她又扭腰又瞓地，有勁度兼具柔軟度，表現投入，Kay配文表示女兒最近一直因為鼻敏感，以致眼、耳及鼻都很不舒服，但仍然很畀心機，面帶笑容落力演出，令身為媽咪的她相當感動，她續指：「好鍾意睇Kakaball跳舞，拍子感到埋動作質感都有進步，一班小朋友咁用心去準備表演，渾身解數出盡全力，個個都好叻啊！」她笑言見到她們有共同興趣又跳得開心，自己都好想參與，問她們可唔可以受她一齊玩。ERROR成員肥仔留言大讚：「有feel」，Kay開心回覆：「等我話畀佢知fatboy哥哥讚佢。」不少網民都激讚Kakaball跳得好「青出於藍，仲好靚女」、「又型又可愛，簡直眼前一亮」、「好鬼勁，大個咗會唔會朝呢方面發展」、「動作舞步精準卡點，對眼好有火」。

東網網站 : https://on.cc/東網Facebook專頁 : https://www.facebook.com/onccnews/