由梁思浩、黃紫恩及黃耀英主持的《直播靈接觸》，昨晚（1日）播出第20集。節目甫開始，梁思浩重提2013年與已故藝人冥婚事件，他說：「今次唔係我第一次做冥婚主題，以前喺友台都做過，友台為咗要搞啲噱頭，同記者講我會同一個已故藝人冥婚，搞到好大件事。」
梁思浩相隔11年後在節目內鄭重澄清：「由此至終都冇呢件事，係（友台）當時高層度出嚟搞噱頭，等大家留意個節目。」
梁思浩表示自己被該已故藝人前男友鬧爆，他在節目公開道歉：「好希望有機會同你講唔好意思，我亦想將呢件事真相話畀你聽，湯鎮業先生，我欠你一個道歉，對唔住，知道你當時好嬲，我只可以講當時人在江湖身不由己。」
（即時娛樂）
留言 0