藝人李璨琛同太太梁志瑩(Sophia)育有兩名女兒,其大女李元元(Lucy)可愛活潑,係好多人嘅開心果。梁志瑩周不時都會喺社交網分享囡囡嘅日常生活,日前佢上傳咗一段Lucy嘅短片,並寫道:「老母依家就出發去佢學校,睇吓有冇得玩貪玩遊戲先。」之後表示Lucy成日講啲怪嘢以為自己係啱,除咗貪玩遊戲,仲有精明九肚魚同埋超人(能)膠,又笑言雖然自己知道佢講錯,但因為太好笑所以冇諗過糾正返。
最搞笑嘅係,片中Lucy一臉正經地同媽咪講學校嘅「貪玩遊戲」,到結尾時突然對鏡頭尷尬一笑,同時聽到有放屁聲,於是有網友留言問:「最後係你放屁定LULU放屁」。梁志瑩即可為自己澄清:「係Lulu,所以佢咪尷尬笑囉!」並笑指「老母係唔放屁嘅」。
東網網站 : https://on.cc/東網Facebook專頁 : https://www.facebook.com/onccnews/
留言 1
Hana (=^・^=) Yuki
可憐搖錢樹,仲同大女剪個咁肉酸髮型,引人注目,唔好咁賤喇搵錢唔係咁!
02月08日16:05
顯示全部