藝人麥美恩(Mayanne)接受電台訪問，回憶當年不理父母反對隻身回港發展，Mayanne否認當年選美是為了入行：「選港姐純粹因為好奇心，我嗰陣諗住一選完就返加拿大，因為我二哥要結婚！後來係好掙扎拒絕咗無綫份約。」及後參加完胞兄婚禮後，Mayanne再獲TVB邀回港試鏡，成功後更獲安排一份有月薪人工的娛樂新聞主播工作，繼而展開其銀色旅途。
對於與主持拍檔許文軒屢傳緋聞，Mayanne表示：「我哋兩個太friend啦，尋晚都有同佢呻咗成個鐘，同埋佢又雙子座、我又雙魚座，大家啲性格好浮動，同埋大家好無分彼此！雖然佢係我前輩，但我哋可以好似八婆咁傾計。」更澄清根本沒有發展機會：「我哋係冇分男同女，總之我哋係乜嘢都傾，佢又會明白我，因為大家都係主持，接觸嘅範圍同遇到嘅困難好似，有啲咩我都會徵求佢意見。」
東網網站 : https://on.cc/東網Facebook專頁 : https://www.facebook.com/onccnews/