現年61歲嘅國際影后楊紫瓊去年7月下嫁拍拖19年嘅法國富豪男友Jean Todt，今年1月初佢就突然晒BB腳仔相，原來係佢繼子Nicolas Todt嘅新生囝囝Maxime，令佢同老公一同榮升爺爺、嫲嫲。尋日（27日）同今日（28日）楊紫瓊連環大晒繼孫仔得意靚相，以英文留言說：「很高興能夠與孫仔Maxime及他優秀的父母在一起。」
見Maxime人仔細細就有張專屬導演櫈，嫲嫲就喺後面扶住仲未坐得穩嘅B仔，笑容甜美又親切，未夠三個月嘅Maxime臉仔圓圓、鼻高高、櫻桃小嘴，眼仔睩睩勁可愛，精靈樣係好得人鍾意，楊紫瓊亦鍾意到唔肯放手，一連兩日大晒攬到孫仔實一實嘅合照。而楊紫瓊繼子Nicolas亦有推BB車，同太太一齊散步，似乎啲相就係由嫲嫲楊紫瓊親自操刀，溫馨感滿載。
東網網站 : https://on.cc/東網Facebook專頁 : https://www.facebook.com/onccnews/