近日在香港人氣急升的，除了何伯，應該就是劉俊謙。電影《九龍城寨之圍城》上映後成為全城熱話，本地票房都已經超過2700萬。演員們連日都不停謝票，不過「Kowloon Four」都三缺一，憑電影角色迷盡任何年齡層女性的「信一」劉俊謙一直缺席。好消息係劉俊謙將會於今個周末歸隊，相信又會吸引大量自稱「劉俊謙老婆」粉絲入場。
之前謝票只有「陳洛軍」林峯、「十二少」胡子彤及「四仔」張文傑等人，原來近排被狂讚靚仔又好戲的劉俊謙近日還要為另一部作品《我在這裡等你》和范少勳在台灣宣傳，所以未能出席。不過5月11日，「Kowloon Four」終於齊腳出席謝票，當日會有三場謝票，時間分別為11︰45am、12︰10pm及12︰50pm。
劉俊謙由ViuTV劇集《教束》的盧Sir開始令人關注，之後《二月廿九》的會長余家聰亦令觀眾受落。電影方面則有《幻愛》。而近月還有Netflix台劇《此時此刻》，連小S都聲稱成為粉絲。