AGA入行前曾選港姐敗北　陳年面試相曝光！

歌手AGA（江海迦）2013年靠靚聲突圍入行，多年嚟以唱作歌手身份吸粉絲，估唔到好聲音背後，佢都有一顆做港姐的心！近日新一屆港姐面試啱啱開始，歷年港姐面試相都被出土，因為當年AGA就係其中一位參選佳麗，青澀樣再次被曝光。

根據官方照片，入行前就曾做過空姐、餐廳駐場歌手等嘅AGA，曾現身80位佳麗嘅首輪面試環節，以及30人複選環節，可惜最終無緣進身下一輪，成為當屆15強之一。AGA參加首輪面試時打扮隨意，披頭散髮加上西班牙血統，一睇就唔似「地道」香港人，複選時AGA就打扮優雅同順眼得多。其實AGA入行後都有被問起選港姐一事，佢笑說係媽咪同家姐幫自己報名，自己原本並不知情咁頂硬上，又自嘲當時皮膚黑、唔識化妝，真係不堪回首。

東網網站 : https://on.cc/東網Facebook專頁 : https://www.facebook.com/onccnews/