梁釗峰拍MV苦練跳舞　碌爆人情卡請「大姑媽」登場

歌手梁釗峰新歌《離合的藝術》MV已上架，今次他出動80歲「大姑媽」粉墨登場，在MV中負責跳舞，還請來話劇界前輩演員區嘉雯和高翰文，以及相識多年的同學、造型師及排舞師等齊齊亮相。談到碌爆人情卡，他打趣不會償還：「欠佢哋一世，要佢哋永遠記住我！」

講到新歌，釗峰說：「呢首歌係講世間嘅愛情、每段關係嘅悲歡離合、有聚有散。感激每位MV嘉賓都幫我全力以赴咁去演出，重中之重係高翰文與區嘉雯嘅戲份，可謂『劇力萬鈞』，佢哋飾演一對好耐無見嘅舊情人，心照不宣，雖然無對白，只用眼神，好適合呢首歌。」而MV中釗峰有一段獨舞，拍攝前兩天他到排舞室苦練，到場後再默默練習。他笑說：「我覺得自己十幾分鐘就上手，但跳到又唔代表跳得好睇，學識之後再用畢生嘅時間去練習先得。」他亦有所領悟：「男人最緊要有膊頭，被搭住就要支撐住對方。」至於MV請來大姑媽靚相，釗峰興奮地說：「早前同佢慶祝80歲生日，嚟拍MV佢好開心，佢話個個都叫佢大姑媽，個個都係佢姪仔姪女。」

東網網站 : https://on.cc/東網Facebook專頁 : https://www.facebook.com/onccnews/