「碧咸嫂」Victoria日前於「巴黎時裝周」為個人品牌舉行時裝騷，她的家人「夫添」上陣。其中19歲「3仔」告斯（Cruz Beckham）更帶埋6月傳過緋聞的巴西女歌手Jackie Apostel一同出席，因而令「正印」挪威女歌手Bby Ivy不滿於網上公開2人親密片段直指他「偷食」！
原名Viktoria Reitan的她得知男友拖女捧母親場之後即於網上短片平台分享她與告斯咀嘴片段「宣示主權」，片段中告斯彈結他並與她咀嘴。她更留言表示：「我們就係咁喺埋一齊咗，而佢仍然不忠。」之後她再甫另一條片並暗指經常「換畫」。
片段公開後，告斯的另一前女友網紅Issey Moloney亦分享片段，暗指告斯是「偷食慣犯」。據知告斯於今年2月與Issey拍拖，幾星期後他被影到帶Viktorian「見家長」與家人一起於巴黎外出食飯。而6月時告斯就被影到與Jackie Apostel一同出席英國Glastonbury音樂節睇天后Dua Lipa的演出。Jackie是德國與巴西混血兒，於巴西組女團Schutz，之後離隊作個人發展。
東網網站 : https://on.cc/東網Facebook專頁 : https://www.facebook.com/onccnews/
留言 3
N
因為老豆老母都唔出聲，佢咪當帶唔同女去家庭聚會只係「拖個朋友黎一齊玩」咁樣～而唔係啲女仔諗嘅所謂「見家長」～
只要父母一日唔出聲，佢都會不停帶唔同女去見屋企人，直到玩厭為止～
好心佢兩公婆就講幾句，提下個仔，換畫唔係問題，帶啲女去家庭聚會先係問題！搞到條條女都覺得「去左家庭聚會就係正印」，咁樣係玩緊人哋嘅真心！無心長久就唔好帶啲女去見屋企人啦！重點係，本來人哋就唔知你一腳踏幾船，你一帶黎聚會，傳媒影晒！如果覺得自己有咁多女俾人知好威威，父母更加之要糾正！以傷害其他人嘅心黎抬高自己，絕對係有問題！
要玩就搵啲真係出嚟玩嘅女玩，果啲話之你出面拖幾多個；而唔係搵個認真拍拖嘅女仔去玩！
2小時前
A k a n e
二世祖您會期望佢真心？
🫥🫥🫥🫥🫥🫥
37分鐘前
城崎R
碧咸d 仔女件件都冇能二世祖
20分鐘前
顯示全部