翁子光重提《踏血尋梅》惜敗《十年》　「如果我係輸咗畀一部好電影，有咩可以去講？」

翁子光執導的《爸爸》自上映以來口碑不斷，更被視為明年衝擊香港電影金像獎的大熱作品。翁導演早前於商台節目《星光背後》中重提《踏血尋梅》，當年雖然橫掃金像獎，更成就出歷史性的「演技獎大滿貫」，但最佳電影一獎則敗給《十年》，主持梁泰來問翁子光當年當晚的心情會有「哽住」嗎？

翁子光回應︰「冇啊，當晚我仲，我記得當晚我仲少少敏感但我覺得講得嘅，因為呢個係事實。有啲人訪問我講話︰『你有冇咩呀？』，我話我睇咗個部電影喎，我覺得個部係一部好嘅電影嚟㗎喎，當然有好多issues好多嘢大家會講嘅就變咗另外一啲嘢啦，轉移咗。但我哋如果以戲論戲嚟講，個部電影其實亦都係一部好好嘅電影嚟，咁所以變咗我就覺得如果我係輸咗比一部好嘅電影，咁有咩可以去講呢？同埋我覺得我係電影世界度學到一個字叫Contemporaneity，呢個字係許鞍華導演教我嘅，電影有好重要嘅Contemporaneity，就係當代性。啫係如果佢一部電影能夠反映到某一啲嘢，咁佢係有原因佢嘅存在或者佢嘅價值。咁所以變咗好多時候，咁甚至有人勸我，唔好講咁多啦，但我覺得OK以戲論戲去講，咁如果輸咗比某一部電影我哋覺得係一部好嘅電影，咁有咩問題呢？」

翁子光續指自己當年最佳導演都敗給徐克，解釋指徐克是自己的偶像︰「如果徐克走嚟拍《踏血尋梅》，佢可以拍出咗另外一個版本，當年人哋拍《第一類型危險》，佢可能拍得好正㗎喎，但如果你叫我去拍《智取威虎山》，對唔住我唔識拍直頭。」

當年《十年》奪得金像獎最佳電影之後飽受抨擊，其中一個認為是誤判的正是黃百嗚，更曾坦言自己「冇起身走人已經係忍住。」「一套50萬製作嘅電影，喺其他獎項一個獎都攞唔到，點可以叫最佳電影？」，同時表示反對賽果與監製作品《葉問3》落敗無關。

以戲論戲，就算不是《十年》，也應是《踏血尋梅》。

▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D