林作疑幫半裸裕美搽豐胸霜！「人生通識師父」陶傑：我要向佢拜師學返轉頭

林作日前在社交平台上載與疑似為女友裕美試用豐胸霜的短片，片中裕美露出白滑背部，林作未知是作狀還是真實用手幫女友搽豐胸霜，之後他更親自示範試用。短片惹來不少批評聲音，認為他很猥瑣，而他的「師文」陶傑今日（1月3日）發文，表示身為林作的非正式人生通識師父，「都要向佢拜師學返轉頭。」

陶傑今日下午出文，全文如下：

「一睇見畫面右方那個招牌，以及左邊那張邱吉爾海報，我就知道又出事了。

但為何每一次啲人都會問我：「點解你教出咁嘅徒弟？」

吓？包括趁老媽子去咗大陸避瘟、同有爭議的愛人裕美向網絡美國猶他州（該州就係摩門教勝地，在歷史上准許娶三個老婆）登記結婚，激死老母，都係陶傑教出來？

我不得不嚴正聲明：「本人係林作大律師非正式人生通識師父，林作的才華横溢係 more or less 自己天生，近年我都要向佢拜師學返轉頭。

何況佢嘅全職師父係大狀清洪。而且多年來向林作灌輸教育知識文化品味的，係牛津大學和哈羅貴族寄宿學校。英國教育如果產出一件令你覺得不安的極品，你以後可以叫啲仔女去大灣區升學，杯葛英國教育，為何要歧視針對我？」

「不過，But, and However ——

1，Joe Lam 一向有自己的個性，阿媽教唔聽，師父教佢都可以唔聽。譬如清洪係佢 full-time 師父，若足夠影響力，林作此片中的裸體就唔會係女性這個gender。

2，英國文化都有The Sun 、 Benny Hill Show、 Austin Powers 喜劇系列，迎合基層市民通俗口味。林作身為牛津大學生，肯放下知識精英身段，拍條咁嘅片，綜合迎合包括香港貨櫃車司機珠江三角洲小姐在內的大眾口味，證明他是真正的Liberal， which is a matter of being truthful.

3，英國留學經驗，開拓眼界，文化層次豐富。「留學牛津」不一定返來只識得去半島酒店下午茶座、飲 Earl Grey 時識得不可放奶、茶匙不可放在杯中，以及拈起隻茶杯時，手指尾尖翹起的蘭花形狀必須似足鄧蓮如。英國欖球係貴族運動，但欖球運動員和球迷時時會突然發癲在場內除清光裸跑。

4，這段片的創作靈感應該來自民建聯議員陳克勤，林作竟然冇向這位英語前輩鳴謝，至少證明佢並非親中，或即使親中愛國、都侵奪創作版權兼過橋抽板（正常吖）。

5，所以本片如果令你又覺得不安，極可能係你有偏見。例如睇過半分鐘之後，你會越來越覺得香港律政司司長一定係片中長期客仔。

事實上，律政司司長應該唔係。就算係，前缐（線）主角都不應該會係林作。點解你有咁先入為主的諗法呢？就係偏見（prejudiced）了。

所以，I think Joe Lam may be the most misunderstood and under-rated intellectual in Hong Kong.

歡迎各位紅黃藍色家長繼續支持英國教育。除了陶傑之外，英國的Harrow 和牛津，記住，始終係世界第一流教育權威。」

一睇見畫面右方那個招牌，以及左邊那張邱吉爾海報，我就知道又出事了。 但為何每一次啲人都會問我：「點解你教出咁嘅徒弟？」 吓？包括趁老媽子去咗大陸避瘟、同有爭議的愛人裕美向網絡美國猶他州（該州就係摩門教勝地，在歷史上准許娶三個老婆）登記結…

Posted by 陶傑 on Saturday, January 2, 2021

          View this post on Instagram                      

A post shared by Jolam 林作 (@jolamchok)

撰文：機