韓國啦啦隊女神李多慧，自去年加盟「樂天女孩」後風頭無兩，可惜隨着今年宣布跳槽去「小龍女」後，爭議不斷。雖然網友負評如潮，但仍無損李多慧吸金能力，日前受訪嘅佢，更大方分享台韓啦啦隊文化差異，直言韓國啦啦隊比較似公司營運模式，壓力亦相較大，相比之下自己更鍾意台灣啦啦隊，並強調從去年參加明星應援賽時，就發現小龍女隊內氣氛融洽，加入之後同隊友相處更係相當舒服自在，至於被問到幾歲退休時，李多慧則表示以身體狀況為優先考量，只要身體健康，啦啦隊生涯就會一直延續落去。
另外，由於近來有關李多慧嘅紛擾不斷，令佢忍唔住用中文回應，表示自從換球隊後出現好多奇怪嘅假新聞，但為咗展現自己勇敢嘅一面，不願多做回應：「我內心世界也是一個小女孩，感到非常的疲憊了，請停止這些流言蜚語。」
東網網站 : https://on.cc/東網Facebook專頁 : https://www.facebook.com/onccnews/