王菲親自送女升大學　李嫣得天后真傳成機場焦點

天后王菲同愛女李嫣感情深厚，7月時李嫣疑似個人社交網晒唇腭裂手術照，令人擔心佢依家天生兔唇嘅修復狀態。不過尋晚（17日）網上流出有人喺機場偶遇到王菲送李嫣出國留學一幕，18歲李嫣個子高挑氣質好，更傳出佢已被倫敦大學錄取。

李嫣打扮時髦有型，神似媽媽王菲嘅清冷感。只見母女現身機場大廳，李嫣手術後狀態好，以一身黑色衫襯黑色帽，再配白色口罩，格外顯眼，穿著搭配深得王菲真傳，即被大讚係「妥妥的大美女」。反而媽咪王菲就行低調風格，鬆身Tee加牛仔褲，亦以口罩遮樣，同其他乘客一齊排隊，混入人群之中。

東網網站 : https://on.cc/東網Facebook專頁 : https://www.facebook.com/onccnews/