吳業坤與太太歐洲補度蜜月　米蘭遇扒手「俾個妹妹伸手入袋」

吳業坤於2022年與日籍妻浜口愛子結婚，婚後兩年一直忙於工作的坤哥，近日有10日假與太太補渡蜜月，一起到歐洲及瑞士旅行，兼順道為自己10周年tour作準備。昨日（9月24日）坤哥第二日抵埗歐洲，一心穿靚靚準備與太太拍拖shopping ，怎知在米蘭遭遇上小偷，被伸手入袋偷銀包，幸好坤哥及時察覺，卻反被小偷舉中指，坤哥之後返酒店換衫，但由於不停要留意自己及太太身邊人物，大大影響心情。

吳業坤昨日在社交平台透露在米蘭遇上扒手，他寫道：「個個Fd都話米蘭多賊，岩岩（啱啱）搭地鐵比（俾）個小妹妹伸手入我袋，好彩發現到，佢偷唔到仲要比（畀）隻中指我，痴線」。吳業坤在留言欄補充：「我好自然咁同佢講wxx r u doing」。

坤哥經歷過被小偷下手後，決定返酒店換上長外套，將重要物件放在外套內，吳業坤寫道：「進化了」。入場後坤哥再出帖文，寫道：「今朝到而家淨係諗緊點樣擊退啲賊人，好攰。」

另外，坤哥日前推出今年第二支主打派台歌曲《心拍数》，延續《幼馴染》日系感覺，新歌歌名《心拍数》「数」字就是用上日文字的漢字，是心跳的意思，MV亦專程到日本四國取景。坤哥說：「心跳係世界上最公平嘅事！幾年前睇過一篇生物學嘅文章，每個人出世嘅心跳都決定咗大概25億次，所以無論出身富裕或者貧窮都只有呢個數，希望大家唔好有比較，有鍾意嘅事情就係有限嘅心跳裡面勇敢去做。」