TVB節目《東張西望》深受香港觀眾歡迎,日前主持魏柏豪來回喪跑追訪深水埗全裸大叔,場面爆笑成為熱話。而魏柏豪最為觀眾熟悉的,可能是今年年中訪問何生何太,就連阮兆祥及李思捷在《福祿壽訓練學院》扮何生何太時,都找回魏柏豪做主持。不過,原來魏柏豪已經離開《東張西望》,據知他可能重操故業做空中服務員。
魏柏豪昨日(10月10日)在社交平台發長文,寫道:「好多人呢幾日問我點解咁跑得,實係10月5號我已經離開左(咗)東張西望啦。2021年12月1號係我第一日開東張,果排covid時期,最深刻係成日都要去拍啲爆發既(嘅)地方,睇返自己初初拍果啲item同vo,真係成舊飯咁。風吹雨打日曬雨淋,但每次都有導演攝影撰稿係(喺)度,成set crew一齊寓工作於娛樂。」
魏柏豪透露下星期就有另一種挑戰:「係(喺)呢2年幾3年既(嘅)時間,多謝東張入面每一位既(嘅)耐性同照顧。本身其實份人好i,連做街訪都覺得尷尬到一個極致,到後來“ready? roll左(咗)? 直接黎啦gogogo”。多謝東張西望台前幕後所有人,更加多謝有睇東張西望支持我哋既(嘅)你哋,大家請繼續支持東張西望。下星期就有另一種挑戰了,加油。」
魏柏豪曾任空中服務員7年,2020年疫情期間參加TVB《衝上雲霄大選》,2021年加入TVB後主力做主持,亦曾演出劇集《非常日誌》。魏柏豪最為香港觀眾熟悉的代表作是訪問何伯、何太,就連阮兆祥及李思捷《福祿壽訓練學院》扮何生何太,亦找來魏柏豪飾演主持。TVB在新年期間推出10人男團「Super Tiger」,魏柏豪亦是成員之一。
留言 12
🪶Gealbhan個老豆
做返空少就啱,多啲時間落吧食女
4小時前
May
做空少仲好啦
3小時前
.
應該啦!冇乜可能紅
3小時前
Tôi đang hạnh phúc
加油👏
4小時前
無名
唔走你遲早俾人打
3小時前
顯示全部