關嘉敏入圍角逐「女飛躍」　預告落髮為藝術犧牲

藝人關嘉敏有份入圍無綫台慶頒獎禮「飛躍進步女藝員」，加上扮譚輝智為觀眾留下深刻印象，事業可謂更上一層樓！近日她被發現將一頭秀髮剪短，原來是因應新劇角色需要，且預告進組後將「越剪越短」，名副其實的為藝術犧牲。

談到今次拍新劇，靚女透露即將於深圳開鏡：「其實由8歲開始，我都未試過將頭髮剪到咁短，不過相信都會為觀眾帶嚟新鮮感，希望大家鍾意啦。」她又指最近獲邀於內地參加不同的綜藝節目演出，希望殺出一條新血路，日後發展更加多元化。

至於聖誕節前後她忙於探訪長者們送暖，原來背後有個「遺憾的故事」！關嘉敏表示：「我嫲嫲喺疫情期間過咗身，當時我只能隔住塊玻璃同佢FaceTime「道別」，至依家個心都仲哽住！所以希望喺大節日前後氹吓啲公公婆婆，令佢哋開開心心囉。」

東網網站 : https://on.cc/東網Facebook專頁 : https://www.facebook.com/onccnews/