懷孕7個月麥明詩努力賺奶粉錢　穿3吋高踭鞋老公陪開工

33歲麥明詩（Louisa）去年底宣布與懷有身孕，現已懷胎7個多月，仍密密接Job搵奶粉錢。她近日出席活動時，更無懼挺著巨肚，穿上3吋高踭鞋單腳企拍照，老公盛勁為則貼身護妻陪開工。

麥明詩在Instagram 分享陀住B開工的影片，可見身穿綠色連身裙的她，穿著3吋高踭鞋走來走去拍廣告照，其間與航空公司的服務員拍照時，更往後踢起腳，單腳站影相。

她在帖文寫道：「呢排做嘢真係好幸福，工作人員成日會擔心我辛苦問我使唔使坐、使唔使休息。好好彩我嘅情況一路都安穩，所以好感恩可以繼續工作，而且多運動身體狀態更好，打扮一下心情更靚。更何況我只是行行企企講幾句，相比很多孕媽的工作已經輕鬆得多。」

未知老公盛勁為是否放不下心，親自陪老婆開工，還親身上陣坐上模擬飛機座位在片中客串。不少網民留言大讚麥明詩陀B陀得靚，「你大左肚，成個樣重靚過以前，BB一定好旺爸爸媽媽」、「陀得好靚，幸福既笑容好sweet」，還有網民猜測BB性別：「阿媽級經驗，個樣似陀B女。」麥明詩曾透露，其預產期為今年3、4月，相信BB是男是女很快揭曉。